Liður 1. Steinsteypa

Tekið er við þakplötu hreinni og tilbúinni til grunnunar.

​

Liður 2. Grunnur

Þakflötur er grunnaður með IKO fast dry primer sem er fljótþornandi grunnur sem þornar á u.þ.b. 20-40 mínútum. Grunnurinn eykur samloðun þakdúks og plötu.

​

Liður 3. Undirlag

Undirlagið, IKO powerflex 5000 T/F, er heillímt á þakflöt með eldsuðu. Þakdúkurinn er látinn skarast 8-10 cm á bæði langhliðum og skammhliðum og lagður í stefnu vatnshallans. IKO powerflex 5000 T/F er SBS bættur asfaltdúkur með 180 gr/m2 polyester styrktarmottu.

​

Liður 4. Yfirlag

Yfirlagið, IKO roofgarden 4 SBS T/F, er heillímt á undirlagið með eldsuðu. Þakdúkurinn er lagður í sömu stefnu og undirlagið og lagður svo að skörun lendi á sirka miðju undirlagsins. IKO roofgarden 4 SBS T/F er SBS bættur asfaltdúkur með 180 gr/m2 polyester styrktarmottu. Dúkurinn er jafnframt með rótdrepandi eiginleikum.

​

Liður 5. Yfirlagskantar

Á alla þá fleti sem standa upp úr fargi og verða fyrir álagi sólar skal nota asfaltdúk með- steinmulningi. IKO roofgarden 4 SBS AD/F er SBS bættur asfaltdúkur með 180 gr/m2 polyester styrktarmottu sem þolir sólarljós. Dúkurinn er jafnframt með rótdrepandi eiginleika.

​

Liður 6. Drendúkur undir einangrun

Drendúkur á milli þakdúks og einangrunar kemur í veg fyrir uppsöfnun vatns á milli laganna. Vatn sem liggur lengi á milli þessara laga hefur neikvæð áhrif á einangrunareiginlega XPS einangrunarinnar. Nophadrain ND IR er sérhannaður drendúkur undir einangrun. Dúkurinn er samansettur í þremur lögum, (1) óofnum geotextíll, (2) bolladúk, og (3) aðskilnaðarlagi sem skilur að þakdúkinn og plastefni bolladúksins.

​

Liður 7. Einangrun

Ofan á ND IR drendúkinn er lögð Ravatherm XPS X 300 SL plasteinangrun. Plöturnar get verið lagðar í einu 200 mm lagi eða 2x100 mm lagi. Ravatherm XPS X 300 SL er með varmaleiðni (D) 0,031 W/m.K, en einnig er hægt að fá Ravatherm XPS X ULTRA 300 SL sem er með varmaleiðni (D) 0,027 W/m.K. ULTRA einangrunin býður upp á þynnri heildar uppbyggingu kerfisins sem getur hentað vel við aðstæður þar sem kanthæð er lítil.

​

Liður 8. Vatnsfleytidúkur

Ravatherm XPS X MK Mink dúkur er lagður ofan á einangrun með það að markmiði að lágmarka magn vatns sem nær til vatnsþéttilagsins. Dúkurinn er látinn ganga upp á kanta, upp úr farginu
og lagður svo að skaranir séu í samræmi við vatnshalla þaksins. Ravatherm XPS X MK dúkurinn er
vatnsheldur en hleypir á sama tíma raka úr kerfinu. Þannig varnar dúkurinn því að einangrunin dragi í sig raka.

​

Liður 9. Drendúkur undir torf

Ofan á vatnsfleytidúkinn er lagður Nophadrain ND4+1h drendúkur undir torf. ND4+1h er hágæða, CE vottaður drendúkur ætlaður undir torf á þökum. Dúkurinn er drenandi en ásamt því virkar hann sem auka vatnsbirgðargeymsla fyrir torflagið.

​

Liður 10. Jarðvegur og torf

Torf er lagt beint ofan á ND4+1h drendúkinn. Algengasta aðferðin er að leggja tvö lög af úthagatorfi þar sem neðra lagið er lagt öfugt niður en það efra snýr rétt. Í kringum niðurfallsristar er lögð möl.